Castellano
Detalle trámite
Non hai convocatorias abertas actualmente
Solicitude axudas para o inicio do curso escolar 2024-2025 para alumnas/os de segundo ciclo de educación infantil, educación primaria, secundaria obrigatoria, bacharelato e ciclos formativos de grao medio e superior, empadroados no Concello de Vimianzo, que cursen estudos en centros públicos e que perteñezan a familias desfavorecidas económicamente.
As axudas poderán ser solicitadas polos pais/nais ou titores/as das alumnas e alumnos que reúnan os seguintes requisitos:
- As nenas e nenos beneficiarios deben estar empadroados no Concello de Vimianzo, con tres meses mínimo de antigüidade á publicación da presente convocatoria.
- As alumnas e os alumnos para os que se solicitan as axudas deben estar cursando estudos nos ciclos educativos e nas etapas seguintes: segundo ciclo de educación infantil, educación primaria, educación secundaria obrigatoria, bacharelato e ciclos formativos estando matriculados nun centro público para o curso 2024-2025.
- Non superar os ingresos económicos fixados no baremo destas bases (expresados no punto 8 referido aos criterios de valoración).
- Non ser a persoa solicitante debedora da Administración Tributaria, Seguridade Social ou facenda municipal.
- Non ter pendente de xustificación ningunha subvención concedida polo Concello de Vimianzo.
- Non estar en ningún dos supostos de prohibición para a percepción de subvencións que se
establece no artigo 13 da Lei 38/2003 do 17 de novembro, Xeral de Subvencións.
As axudas concedidas para o mesmo fin, por outra administración, son compatibles coa que agora concede o Concello de Vimianzo, sempre e cando a contía total das axudas non supere o importe total gastado polo alumnado para este fin. As persoas beneficiarias terán as seguintes obrigas ante o Concello de Vimianzo:
- Cumprir a actividade obxecto da subvención, é dicir, realizar o gasto en material para o que se concede a subvención, para o inicio do curso 2024-2025. As facturas xustificativas do gasto deben ser posteriores ao 1 de xullo de 2024.
- Someterse ás actividades de control realizadas por parte do concello para comprobar a veracidade dos actos consignados na documentación presentada, así como o cumprimento dos requisitos para a percepción da axuda e colaborar co concello en ditas actuacións.
- Comunicar ante o concello calquera modificación nas circunstancias esixidas para a concesión da axuda.
- De acordo co establecido no artigo 14.1 K da Lei 9/2007, de 13 de xuño, de subvencións de Galicia, as/os beneficiarias/os estarán obrigadas/os a facilitar toda a información que lle sexa requirida pola administración no exercicio das súas funcións de fiscalización e control do destino das axudas.
Para pedir información e asesoramento para levar a cabo o trámite destas axudas, ou para recoller o impreso de solicitude poden dirixirxe a Área de Benestar Social (Servizos Sociais). 981 70 74 26. A/O interesada/o tamén poderá descargar o impreso de solicitude dende esta páxina. Para presentar de forma presencial a solicitude acudir ao rexistro xeral do Concello de luns a venres no horario de 09.00 h a 14.00 h.
De forma telemática a través do botón "Iniciar trámite" é importante achegar o modelo de solicitude de praza da escola exposto no apdo. Documentación así como o resto de documentación ao inicialo trámite vía telemática.-
O prazo de presentación de solicitudes estará aberto dende o 31/08/2024 ata o 30/09/2024.
Descarge este SIMULADOR para comprobar, antes de facer a solicitude, se teñen dereito ou non a axuda.
- Solicitude oficial (inclue os anexos II, III, IV e V).
- DNI de todos os membros da unidade familiar maiores de idade no caso de que non autorice a súa consulta.
- Libro de familia.
- En supostos de adopción ou acollemento, documentación que acredite a dita situación.
- Autorización ao concello para obter diante da Axencia Tributaria os datos de nivel de renda. (Anexo IV, engadido na propia solicitude).
- Nos casos de discapacidade ou dependencia dalgún dos membros da unidade familiar computables, certificado emitido polo organismo correspondente (Xunta de Galicia ou Comunidade Autónoma que corresponda).
- Documento bancario que inclúa o número de conta IBAN. Deberá quedar acreditada a titularidade na dita conta do solicitante.
- Declaración responsable da percepción ou solicitude doutras axudas para o mesmo fin. (Anexo I, engadido na propia solicitude).
- Certificación do Centro Público de Ensino, da matrícula da alumna/o no curso escolar 2024/2025.
- Declaración responsable de non estar incurso en suposto de prohibición para ser beneficiario/a da axuda. (Anexo I, engadido na propia solicitude).
- Declaración responsable de non ter obrigas pendentes de pagamento coas administracións con potestade tributaria, Seguridade Social e Facenda Municipal. (Anexo I, engadido na propia solicitude).
As deficiencias e as omisións na solicitude e restante documentación preceptiva deberán emendarse tralo requirimento previo, no prazo de dez días desde a notificación, na que se indicará que se non se fixese, terase por desistido da súa petición, segundo o establecido no artigo 68 da Lei 39/2015, do 1 de outubro, do procedemento administrativo común das administracións públicas. A presentación da solicitude leva consigo a aceptación incondicional das bases reguladoras e da convocatoria.
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de axudas para o inicio do curso escolar 2024-2025.
Unidade tramitadora: Benestar Social.
Inicio do procedemento: A instancia de parte.
Tipo de interesado: Persoa física ou xurídica.
Recurso aplicable: Potestativo de reposición / Contencioso - administrativo.
Canles de atención: Telemático (Iniciar trámite).
Presencial.
Para pedir información e asesoramento para levar a cabo o trámite destas axudas, ou para recoller o impreso de solicitude poden dirixirxe a Área de Benestar Social (Servizos Sociais). 981 70 74 26.
